Electrónica 

Hoxe temos un convidado moi especial neste blog. Jean Michel Jarre enviounos un vídeo exclusivo para invitar a todos os seus fans a ver o espectáculo que dará mañá sábado, ás 22.30 h., na praza do Obradoiro de Santiago de Compostela. Non perdades de velo!

Who Made Who, Naive New Beaters, Luke Abbott, Cluster e Dels son os novos nomes para o 981 festival, incluído no ciclo Ao Vivo de Xacobeo 2010.

Música e gastronomía son os ingredientes fundamentais da Terraza do Move Music & Food, unha iniciativa de EXPOCoruña en colaboración con Xacobeo 2010, para seducir os padais e oídos dos asistentes cos mellores pratos do Camiño de Santiago e Dj's de sona internacional.

Artista polifacético, músico, intérprete, compositor e creador de atmosferas únicas nos seus concertos, Jean Michel Jarre encherá a Praza do Obradoiro coa súa singular combinación de música e espectáculo. O 31 de xullo, da man de Xacobeo 2010, Jean Michel Jarre baterá unha nova marca en Compostela.

14.000 persoas, máis de 200 medios nacionais e internacionais e sobre todo moita, moita música. Sónar Galicia converteuse nun escenario privilexiado no que brillaron as estrelas máis rutilantes do firmamento musical.

A organización do festival Vigo Transforma anunciou esta semana a pre-escoita en exclusiva mundial na súa web do novo single dobre de Orbital, Don´t stop me / The gun is good, que sairá á venda o próximo 20 xuño. A banda británica será cabeza de cartel do festival que se celebrará no Peirao de Transatlánticos de Vigo do 2 ao 10 de xullo. Parabéns, rapaces. Así se fai!

Xa non vos facemos esperar máis! Como vos prometemos a semana pasada, e tras o éxito da convocatoria, hoxe volvemos regalar entradas para Sónar Galicia. A cita é ás 17 H no Facebook de Xacobeo 2010.

A expectación que está a ocasionar a celebración, por primeira vez fóra de Barcelona, do Festival de Música Avanzada e Arte Multimedia é máxima. A demanda é tanta, que en só uns días se esgotaron as entradas para as dúas primeiras xornadas, o xoves 17 e venres 18 de xuño, así como os abonos. Tan só quedan entradas para a sesión de tarde do sábado 19, pero é previsible que rematen tamén nas próximas horas.

Esta tarde, ás 17 H, convocámosvos a unha cita ineludible no Facebook de Xacobeo 2010!

Estade moi atentos, porque sortearemos dúas entradas para cada un dos tres días de Sónar Galicia, os días 17, 18 e 19 deste mes na Coruña.

Só vai durar unhas horas!! Recordade que ás 17.00 H lanzaremos a convocatoria. Esperámosvos!

Cada vez está máis preto. O Festival Internacional de Música Avanzada e Arte Multimedia desdóbrase, por vez primeira, en dúas sedes, e chega á Coruña da man do Camiño da Música de Xacobeo 2010. Trátase dunha edición extraordinaria na que se darán cita artistas galegos e os máis destacados nomes internacionais da electrónica do momento.