Audiovisual 

"18 comidas é un crebacabezas. Unha película feita de historias, de anacos de vida, nun único día de ficción e sempre arredor das comidas. Porque a comida é saborosa, sensual, imprescindible para a vida e, sobre todo, porque é a escusa máis común para que os seres humanos se reúnan e se relacionen".

Así define o realizador galego Jorge Coira “18 comidas”, unha película ambientada en Santiago que amosa unha visión cinematográfica do cotián a través da cultura e a gastronomía compostelá e que xa se pode ver en cines.

Por fin chegou o momento. Hoxe, 19 de novembro, estréase en cines The Way, a película que levará a maxia do camiño a todas as salas de España. Vas perder de vela?

Cinéfilos: preparados para un maratón de celuloide? Novembro é o mes do cine en Santiago de Compostela. O día 10 comeza unha nova edición de Cineuropa, un festival organizado pola Concellaría de Cultura de Santiago de Compostela e incluído dentro de Xacobeo Filme. Cine comprometido e de calidade, que lle permite á audiencia mergullarse noutras culturas e coñecer de preto realidades diferentes para obter unha visión máis ampla do mundo a través da ventá do cine.

A familia Sheen quixo render homenaxe á súa procedencia galega facendo o que mellor saben: cine. Martin Sheen e Emilio Estévez percorreron ao longo de sete semanas o Camiño de Santiago para rodar a película The Way, que se estreará en salas o próximo 19 de novembro.

Remataron as votacións. Feito o reconto, xa vos podemos comunicar cales son as tres películas gañadoras do Festival Internacional de Animación Online, incluído no ciclo Xacobeo Filme.

A situación palestina, o papel da muller e o da infancia no mundo árabe, a inmigración... Estes son algúns dos temas que tratará a oitava edición do Festival Internacional de Cine Euroárabe Amal, que se celebra en Santiago de Compostela dende o 23 ao 30 de outubro.

A maxia de Universo Crebinsky leva percorrendo varios meses a xeografía galega e chega agora a Pontevedra, que acollerá este singular espectáculo o sábado 23 de outubro no Teatro Principal. Cine e música abrázanse nun xogo de emocións sonoras e visuais.

Chegou o momento. Finalizado o prazo de recepción de obras, os cinéfilos de todo o mundo xa poden elixir, mediante votación on-line, as tres películas gañadoras do Festival Internacional de Animación Online, incluído no ciclo Xacobeo Filme de Xacobeo 2010. Os participantes optarán a tres premios de 2.000 euros cada un, dentro das tres categorías a concurso (Curtametraxe, Multimedia e Retrospectiva).

Se sempre quixeches facer cine... e non sabes por onde empezar, OFestivalOn é o teu sitio. Esta cita, incluída no ciclo Xacobeo Filme, dáche a oportunidade de gravar a túa propia curtametraxe co apoio de profesionais. Celébrase a fin de semana do 29 ao 31 de xullo en Ribadeo. Inscríbete antes do 20 de xullo e compite por conseguir o Misto de Pau á mellor curtametraxe, dotado con 3000 €, entre outros premios.

Retrospectivas, master class, work shops, exposicións de material cinematográfico… Estes son algúns dos atractivos do S8 Mostra de Cinema Periférico, que se presentou hoxe na Coruña e que está incluído no ciclo Xacobeo Filme.