Blog 

Por iniciativa da Asociación de Amigos dos Camiños de Santiago do Sueste – Caudete, e coa a finalidade de axudar ao peregrino, foi reforzada e ampliada a sinalización da etapa que une Villena (Alacante) con Caudete (Albacete) no Camiño de Santiago. Dita ampliación foi colocada de xeito estratéxico e  consistiu tanto en reforzar o camiño con frechas amarelas como en pintar un Panel Informativo e unha cuncha con frecha amarela en fondo azul á saída da veciña localidade de Villena.

Patinando o Camiño é un proxecto audiovisual no que Anuska Gil percorrerá en patíns o Camiño desde Roncesvalles a Santiago de Compostela, homenaxeando a mulleres que destacan pola súa solidariedade e labor humanitario. O traxecto realizarase durante o mes de maio en 29 etapas e ao chegar a Santiago entregarase ao Apóstolo unha “capa” confeccionada coas diferentes achegas das persoas que se atopen no camiño, como símbolo de unión.

A partir do día 14 de abril os peregrinos dos Camiños de Santiago van contar cun novo albergue en Caminha, distrito de Viana do Castelo (Portugal).

A S.A. de Xestión do Plan Xacobeo, en colaboración co Consulado Español, ven de inaugurar en Hamburgo a exposición fotográfica itinerante "Camiño de Santiago. Unha visión dende Oriente, Tomohiro Muda", que permanecerá nesa cidade alemá ata o 30 de abril.